Поставена е нова заштитна банкина помеѓу улиците „Тоде Думба“ и „Драган Стопаревиќ“, а обновена е и хоризонталната и вертикалната сигнализација на оваа локација. Граѓаните изминатиот период реагираа дека се чувствуваат небезбедно. Претходната ограда беше оштетена во сообраќајна незгода. Од општинскиот буџет за оваа намена се одвоени над еден милион и 500 илјади денари.
–Знам дека на тој дел се случуваат многу немили настани поради висинската разлика од улиците Тоде Думба-Драган Стопаревиќ, многу бргу возат, кривина е доста опасно, лизгав терен, сведоци сме на голем број немили настани. Таму отсекогаш имало ограда, ставени се банкини, нова вертикална и хоризонтална сигнализација, обележан е пешачки премин, тука има еден пат од каде излегуваат луѓето од згради, непрегледно е. Апелирам до граѓаните да возат побезбедно, 30 километри на час е дозволено, тука живеат многу мали деца, од станбените единици да внимаваат и за себе и за луѓето кои поминуваат тука-вели Ивана Ѓорѓиевска, претседателка на Советот на Општина Куманово.
Од општината и Советот посочуваат дека безбедноста на граѓаните е врвен приоритет, но апелираат да се внимава при возењето. Но велат треба и повисока свест за зачувување на опремата.
Несовесни возачи често ги уништуваат и семафорите низ градот.
