(ВИДЕО) Почнува со работа флеболошка амбуланта

Во кумановската болница започнува да функционира флеболошка амбуланта, која ќе прима пациенти со болести на вените. Амбулантата е сместена во новиот ургентен центар. Закажувањето ќе оди преку Мој термин, а ќе се работи со најновиот апарат за ехо дијагностика кој е набавен со поддршка на Министерството за здравство и Светската банка.

-Статистиката кажува дека 30 до 40 проценти од возрасната популација има некој проблем со венска циркулација, односно 2 од 3 жени имаат проблем со проширени вени, односно 1 од двајца мажи, релативно доста се чести, се должат на брзото темпо на живеење, генетска предиспозиција, главно комбинирана со стоење или долго седење-истакна Наташа Јовановска, специјалист по општа хирургија.

Здравствените работници укажуваат дека со редовни контроли, навремени терепии ќе се спречат компликациите кои може да се јават кај пациентите со проширени вени.

Коментари

коментар(и)