Град уништи насади во Тромеѓа

Поројните дождови проследени со град кои во недела попладне го зафатија регионот, уништија поголем дел од  насади на земјоделските површини. Најголеми штети претрпеа жителите во селата Тромеѓа, Пчиња и Студена бара. Тие велат дека вакво невреме со град не помнат ни најстарите жители и додаваат дека над 40 отсто од родот е уништен.

-Има доста уништено и жита и се што е садено и во пролетна и во есенска сеидба. Проценка не можеме да кажеме колку е уништено, но има оштетени компири, грав, пипер, патлиџани, се е оштетно за кратко време- изјави Стојанче Стошиќ, жител на село Теромеѓа.

Тие раскажуваат дека уништениот род нема да може  да се користи, а оштетеното ќе треба да го расадат повторно. Инаку невремето ги зафати и селата кои што се наоѓаат во Општина Старо Нагоричане.

Share and Enjoy !

0Shares
0 0

Коментари

коментар(и)