Заврши учебната година за матурантите

Официјално денеска заврши учебната година за матуратите. За разлика од претходните години, овој пат учениците од четврта година не играа квадрил на плоштадот, но дел од нив традиционално со музика и игра си заминаа од училиштето. Директорите на средните училишта на идните академски граѓани им посакаа успех во понатамошниот живот.

-Mожам да кажам дека се помина во најдобар ред според она што беше планирано, од годишната програма на училиштето но и според програмата на Министерството за образование и наука. Матурантите учествуваа во сите активности кои беа предвидени заедно со учениците од останатите години. Во натпреварите кои што се специфични за стручното образование, маскенбалот во Струмица, градскиот и останати-изјави директорката на Перо Наков, Лидија Тасевска.

На матурантите во идниот период им претстои државната матура. По тој повод тие ќе имаат можности да следат консултативна настава и на тој начин да се подготвуваат за испитите. Првото тестирање по македонски или албански јазик ќе се одржи на 4-ти јуни.

Share and Enjoy !

0Shares
0 0

Коментари

коментар(и)