Градоначалникот Максим Димитриевски во најкраток можен рок да превземе кокренти мерки за намалување на загаденоста во градот, побараа денеска советниците од коалицијата предводена од ВМРО-ДПМНЕ. Тие истакнаа дека во изборната кампања Димитриевски имал само обични флоскули како мерки за чист воздух и чиста околина.
-Ситуацијата со загадувањето во општина Куманово во изминативе недели е повеќе од алармантна. Се соочуваме со поразителни и загрижувачки податоци за огромна концентрација на ПМ10 честичките во водухот. Овие бројки се енормно големи и се повеќекратно над дозволени штетни честички во воздухот, со што сериозно е ставено во опасност здравјето на граѓаните и животната средина во целост. Но и покрај ваквата состојба градоначалникот и локалната власт се уште немаат преземено никакви конкретни мерки за ублажување на ситуацијата со загаденоста во нашиот град, ниту пак има најави дека нешто ќе се превземе во блиска иднина-истакна Невена Величковска, советник од ВМРО-ДПМНЕ.
Од советничката група на ВМРО и коалицијата апелираат во подготвувањето на буџетот да се предвидат повеќе финансиски средства за справување со овој горлив проблем, кој прераснува во сериозна еколошка катастрофа. Ж
-Да потсетиме дека ветуваа живот за сите, чист воздух за сите, но не видовме ниту живот ниту пак чист воздух за граѓаните на Куманово-додаде Величковска.
Младите од Унијата на ВМРО-ДПМНЕ на кумановци денеска им делеа бесплатни заштитни маски.
