КК Куманово со победа на стартот на БИБЛ лигата

Кошаркарскиот клуб Куманово со победа го стартуваше своето учество во БИБЛ лигата, откако на домашен терен вчеравечер го совлада тимот на КК Теодо од Тиват, Црна Гора со резултат 78:75.

Поголемиот дел од средбата во Спортската сала во Куманово беше турбулентна и неизвесна, но со одличната игра пред се на Данило Мијатовиќ, сино-белите извојуваа победа.

Со водство од 4-0 изабраниците на Марјан Србиновски стартуваа во БИБЛ лигата, но целата прва четвртина беше горе – долу неизвесна со оглед дека немаше поголема разлика од четири поени ниту кај гостите ниту кај домаќините. Сепак првите 10 минути завршија со предност на Куманово од 20-18, по што следуваше мал пад во играта на домаќините, па црногорскиот тим поведе со 35-25 во втората четвртина од натпреварот, за да сепак со одлична и брза игра на кумановци полувремето заврши со 28-39.

Ништо поинакво не беше ниту во второто полувреме, односно третата четвртина заврши со позитива за сино-белите со 64-59, откако пред самиот крај на третата четвртина Мијатовиќ и Караџовски го полнеа гостинскиот кош, а благодарение на солидната игра на домаќините сепак семафорот на крајот остана со 78-75 за КК Куманово.

Во редовите на домаќинот со 31 поен и седум скокови брилираше Данило Мијатовиќ, а по 12 поени Караџовски и Пековиќ.

Share and Enjoy !

0Shares
0 0

Коментари

коментар(и)