Триесетгодишен кумановец е осомничен дека извршил кривично дело „тешка кражба“ во Скопје, информира полицијата. Како што потенцираат, по преземени мерки и активности било констатирано дека сторител на делото е М.З.(30 години) од Куманово, кој е на издржување на затворска казна во Казнено-поправната установа Затвор Идризово. – Со него бил извршен службен разговор во казнено-поправната установа, при што го признал делото, велат од МВР. Од него биле одземени и предмети поврзани со кривичното дело. По целосно документирање на случајот, против него ќе биде поднесена кривична пријава по член 236 од Кривичниот законик, стои во соопштението.
Кумановец осомничен за тешка кражба
