ЛДП најави мерки за спречување на загадувањето

На прес конференција денеска Филип Јаневиќ од редовите на Либерално демоктратска партија нагласи дека барањето на партијата за поставување мерна станица во градот се покажало како оправдано, но и дека покажа застрашувачки резултати со оглед дека веќе 15 дена Куманово има загаден воздух.

Она што посебно загрижува е огромното надминување на дозволената количина на ПМ 10 честичките во водзухот кои што се најопасни за здравјето на луѓето и истите се канцерогени. Веќе подолго од една недела воздухот во Куманово, посебно во вечерните часови е изложен на висока концентрација од ПМ 10 честичките. Се покажаа реални стравувањата на ЛДП дека Куманово не е имуно на општото загадување на воздухот во Македонија. Ова се мерењата кои покажуваат енормна загаденост на воздухот во изминатите 15 дена – рече Јаневиќ.

Како што потенцираше Јаневиќ, податоците од Светската банка покажуваат дека во Македонија годишно умираат 1.400 луѓе како последица на загадениот воздух, а воедно тој најави мерки кои планираат да ги преземат за спречување на ваквиот феномен.

Парите наместо во непродуктивни трошоци каок споменици, врби и панорамски тркала ќе се пренасочат кон воспоставување на самоодржливата и квалитетна животна средина. Поконкретно тоа значи: основање на целосно независен еколошки фонд, во кој ќе се слеваат средства од еколошките такси, донесување на закон за зеленило кој ќе спречи масовна деградација на зелените површини и стопирање еколошки неодржлива градба и итно прекинување на масовната антиеколошка и неухамана градбта. Ита забрана на увоз на стари возила кои се под ЕУРО 5 стандард и строга контрола на исполнување на еколошките стандарди при увозот на нови возила – додаде Јаневиќ.

Јаневиќ потенцираше дека постои надеж кај граѓаните да се подигне свеста за градот во кој живееме и важноста за здрав и чист воздух.

Share and Enjoy !

0Shares
0 0

Коментари

коментар(и)