На градскиот плоштад во вторник по втор пат ќе се одржи манифестацијата „Велигден ист на различен начин“, која ја организира здружението „Живот“ Куманово. Организаторите најавуваат богата програма, со изложба и избор на најубаво декорирана велигденска кошница најубаво велигденско јајце и литературно читање. Манифестацијата е предвидено да заврши со турнир во кршење велигденски јајца и прогласување на најцврсто велигденско јајце.
-Според христијанската традиција и начин на чествување на големиот христијански празник Велигден, и ние имаме активности кои траат 43 дена, 40 дена е постот и 3 дена чествувањето на велигденскиот празник. Клубот на млади на Здружението Живот има различни настани, едукација, обуки, запознавање, информирање но со сите други национални и верски припадници кои се исто така членови не би зборувал за сите 40 дена за активностите, туку само за последните 3 дена. На Велики четврток е големата работилница во Занаетчискиот дом со познати ликовни уметници на ниво на земјава ќе изработуваат и декорираат велигденско јајаце, со кои и ќе учествуваат на главниот настан во вторник на градскиот плоштад, каде ќе има дури и натпреварувачки карактер. Претходно сите училишта, градинки, одредени здруженија, претставници на невладини организации, фирми формираат декоративна кошничка, велигденска ќе има награда за прво, второ и трето место ќе се доделат соодветни награди. Ќе има натпревар и за три најубаво декорирани јајца, и натпревар во кршење на велиденско јајце, за најцврстото ќе има и соодветен пехар. Првата замисла беше да бидат од Куманово ученици од основни и средни училшта, но ќе имаме покрај соседни Старо Нагоричане и Липково ќе има претставници и од Конче, Ранковце, Македонска Каменица и настанот ќе се збогати и со музички настан во Занаетчискиот дом ќе има литературно читење на тема чествување на големиот празник-истакна организаторот Драган Цветковиќ од Здружението Живот Куманово.
Коорганизатор на настанот е Фондацијата за култура и спорт Куманово. Од здружението ги повикуваат сите заинтереснира граѓани и верници да ја збогатат манифестацијата. Инаку приоритетна цел на Здружението Живот е развој на земјоделството и заштитата на животната средина, но здружението покренува и спроведува различни иницијативи, акции и проекти, со кои придонесува за подобра иднина на целокупното население. Во моментов има повеќе од 1000 членки само во Куманово и свои клубови кои работат во различни области.
