Наредната година ќе се гасифицира Општата болница

Наредната година ќе се гасифицира Општата болница. Ова го истакна при денешната посета на Куманово, министерот за здравство Венко Филипче, потенцирајќи дека гасификацијата на овој објект е една од најдолгорочните мерки за спречување на аерозагадувањето во градот. Болницата досега се затоплуваше на мазут, кој важи за голем загадувач.

-Неколку пати разговаравме со градоначалникот и со директорката на болницата, тоа го ставивме како приоритет на министерството на почетокот на 2019-та година, ќе одвоиме посебен дел од буџетот за таа намена, посебно за Куманово бидејќи гасот е стигнат до болницата и најбрзо тој проект може тука да се реализира. Свесни сме за важноста на гасификацијата како во однос на загадувањето така и во економичност на работењето на кумановската болница-изјави Филипче.

Градоначалникот на Куманово, Максим Димитриевски дополни дека јавното претпријатије Куманово гас и општината се подготвени во секој момент да испорачаат доволна колична на гас.

-Работиме заедно веќе сме во фаза на завршни договори, кој кои обврски да ги преземе, најбитно е финансирањето во делот на внатрешната инсталација на болницата, која чини многу повеќе во однос на носење на самата гасоводна мрежа на локацијата. Тоа е реално остварлив проект, се надевам дека градската болница веќе следната година ќе го користи гасот како енергенс, со што ќе постигнеме и еколошки ефект првенствено, бидејќи како што знаете, главната мерна станица за воздухот е лоцирана токму во градската болница, во непосредна близина на затоплувањето кое е на мазут и поради тоа имаме ефект од мерења кои покажуваат многу високи резултати на присуство на пм 10 честичките таква не е состојбата на тертиорија на целата општина-нагласи Димитриевски.

Тој дополни дека на градот му се потребни неколку нови мерни станици, за да испитувањето се врши на повеќе локации, бидејќи испитувањата покажале дека загадувањето е различно на одредени населени места.

 

 

Share and Enjoy !

0Shares
0 0

Коментари

коментар(и)