Оливер Илиевски, кандидатот на СДСМ доби дрес од РК Куманово со број 12

Оливер Илиевски кандидатот на СДСМ за градоначалник на општина Куманово вчеравечер присуствуваше на тренинг на Ракометниот клуб Куманово, со цел да ја искаже поддршката кон спортистите за развој на клубот и за спортот во Куманово.

„Владата инвестираше многу во развојот на спортот во Куманово, ние тој успех ќе го продолжиме, заедничката соработка може да носи само нови спортски победи за градот“, рече Илиевски.

Илиевски потенцираше дека Соколана и градскиот стадион беа вратени од страна на Владата во владение на општината и со финансии пд централната власт започнати се реконструкции на истите.

Дополнително Илиевски рече дека инвестициите во изградба на три училишни спортски сали се голем успех на Владата, успех кој тој планира да го продолжи уште подинамично.

На крај од средбата Илиевски беше пријатно изненаден со дрес со бројот 12.

„12 е за победа, за спортско Куманово”, рече Илиевски, се наведува во партиското соопштение.

Коментари

коментар(и)