Отворена изложбата „Старо Нагоричане 2016 “

Во центарот за култура „Трајко Прокопиев“  вчеравечер беше промовирана  Првата фото -колонија  во Македонија. Присутните имаа можност да разгледаат фотографии изработени од десет автори од повеќе држави.

– Се обидовме секој на свој начин да прикаже како ги видел мотивите , архитектурата , живиот свет. Се трудевме изложбата да биде на високо ниво, проектот е на министерството  за култура, центарот за култура,  Народна техника на Куманово и локалната самоуправа на Старо Нагоричане, изјави Душко Доцевски, фотограф

Фотографиите од меѓународната изложба „Старо нагоричане 2016“  ќе бидат дел од туристичко- информативниот центар кој што допрва ќе се гради, вели градоначалникот  Милован Стојковски.

– Првата  фото колонија се одржа во септември месец, тогаш направија прекрасни фотографии, задоволен сум и од учесниците и од фотографиите, изјави Милован Стојковски, градоначалник на Старо Нагоричане

Градоначалникот Стојковски, но и Доцевски се надеваат дека меѓународната изложба ќе стане традиционална и во иднина ќе бидат изработени фотографии од целиот Североисточен регион.

Share and Enjoy !

0Shares
0 0

Коментари

коментар(и)