Повредени две лица во сообраќајна незгода во Пелинце

Две лица се повредени во сообраќајна незгода што се случила во Пелинце.

МВР информира дека вчера напладне во СВР Куманово било пријавено дека на крстосницата од регионалниот пат Старо Нагоричане – Граничен премин „Пелинце“ и патот за с.Драгоманце се случила сообраќајна незгода помеѓу патничко возило „хјундаи“, со српска национална ознака, управувано од 39-годишен државјанин на Република Србија и мотоцикл „томос“, со кумановски регистарски ознаки, управуван од 61-годишен кумановец.

Во незгодата, соопшти МВР, со тешки телесни повреди се здобила сопатничката на мотоциклот, 57-годишна кумановка, додека со телесни повреди се здобил возачот на мотоциклот, констатирани во Општа болница Куманово.

Увид на местото извршила екипа на СВР Куманово.

Коментари

коментар(и)