Пожар го зафати хотел „Кристал“

Последниот кат од поранешниот хотел Кристал, кој се наоѓа во центарот на градот, денеска околу 11 часот го зафати пожар. Екипа на територијалната противпожарна единица, со едно возило и петмина пожарникари, еден час го гаснеше пожарот. Во истиот е причинета незначителна материјална штета.

-На најгорниот кат биле зафатени кебиња, чаршафи, дрвени сталажи на кои имало материјали за работа и слично-истакна Деан Илиевски, командир на ТППЕ.

Од територијалната противпожарна едниница укажаа дека веќе неколку пати интервенирале на пожари во овој објект. Инаку поранешниот хотел Кристал е во стечај неколку години, но поранешниот сопственик, адвокат Звонко Јосевски, се надева дека истата наскоро ќе заврши.

-Сега е во рацете на стечајниот управник кој треба да ги преземе потребните законски процедури и да дојде до тоа да ги купи некој и да се најде епилог на оваа ситуација, да не ги јаде забот на времето објектите, кои што се од витално значење за Куманово-истакна тој.

Причината за пожарот и материјалната штета дополнително треба да се утврдат.

Share and Enjoy !

0Shares
0 0

Коментари

коментар(и)