Промовирани две нови книги

„Холограмска парадигма“ од авторот Jасминка Наумовска и „Засолниште на имагинација“ од Горан Стевчевски се книгите кои што беа промовирани вчеравечер.  Проблемот на човековото функционирање на индивидуално и психолошко ниво,  како и на групно и колективно  е централна тема на книгата.  Идеите изложени во книгата во голем дел произлегуваат од практичната работа со клиентите кои се трудат да избегнат или да достигнат поголемо ниво на зрелост и да го откријат сопствениот идентитет, а еден дел од книгата има стручна расправа на клучни теми кои се поврзани со човековото функционирање , посочува гешталт терапевтот Наумовска.

-Содржината на книгата зборува за свесноста која е суштинска, за психолошкото и духовното здравје. Осмислените раскази како да немаат граница мислам дека тие знаат каде се кријат нашите стравови и се обидуват да се соочат со нив. Книгата зборува за човекот како и за сите нешта обични и необични кои го менуваат на подобро или на полошо, изјави гешталт терапевтот  Јасминка Наумовска, автор на „Холограмска парадигма “

Холограм е тродимензионална слика која е создадена со помошт на ласерски зраци , објаснува авторот.

-Ако холограмскиот објект се преполови тогаш половината ја  содржи целината, значи нов поглед на една структурална органзиција дека целината се содржи во деловите и јас како претставник на гешталт терапијата можам да го застапувам ставот и со сигурност можат да тврдам дека целината е повеќе од збирот  на деловите така што кога станува збор  пример за семејство тогаш таа целина е многу нешто поголема од збирот на тие членови, изјави Наумовска

„ Засолниште на имагинација“  е осмо дело на магистарот  по психолошки науки Горан Стевчевски.

– Се работи за една футуристичка книга , сите ние живееме истовремено во два света, во физичка димензија и во имагинарниот свет во духовната димензија  меѓутоа свесноста ни овозможува да ги споиме тие два дела, изјави д-р Горан Стевчевски.

Промоцијата се одржа во фоајето на центарот за култура „Трајко Прокопиев“.

Share and Enjoy !

0Shares
0 0

Коментари

коментар(и)