Промовирани книги посветени на Блаже Конески

„Мојот професор пророк“  и „Траен изворник “  од авторот  проф.др. Вера Стојчевска Антиќ се книгите што беа промовирани денеска во Занаетчискиот дом во Куманово. Ова е 15-та промоција на книгите посветени на Блаже Конески, во кои што авторката го опишува својот однос со него, како и нејзин коментар за некои од песните на Конески. Промотор на книгата беше проф.др. Димитар Пандев.

На промоцијата се читаа извадоци од книгите, имаше музички точки, но и обраќање на авторот на книгите проф.др. Вера Стојчевска Антиќ.

Вера Стојчевска-Антиќ е историчарка на книжевноста и на книжевната теорија. Зад себе има над 850 објави во земјата и во странство, од кои 75 се книги. Нејзината научна дејност е позната во голем број македонски и странски славистички центри, а главно се одвива околу средновековната македонска книжевност.

Литературната  средба –насловена „Македонскиот јазик и Блаже Конески“ ја органзираше библиотеката Тане Георгиевски во соработка со локалната самоуправа.

Share and Enjoy !

0Shares
0 0

Коментари

коментар(и)