Работна средба во рамки на проектот „Образование за сите”

Општина Куманово со поддршка на Детската фондација „Песталоци” во рамки на проектот „Образование за сите” ќе спроведува истражување на темата „Деца Роми надвор од образовниот систем”. Ќе бидат реализирани средби со релeвантни институции на локално ниво, со цел формирање на Локални совети за соработка и ажурирање на база на податоци за вкупен број деца, кои од различни причини се надвор од образовниот процес и изготвување на извештај со причини, поради кои се случуваат овие проблеми. Активно ќе се работи на развивање и реализирање на Програмата за рeинтеграција на ученици Роми во образовниот процес, како и подигање на свеста кај родителите Роми за важноста на основното образование, во соработка со Секторот за образование при Општина Куманово. На работната средба присуствуваа директори и претставници од општинските основни училишта.

Коментари

коментар(и)