Свечена седница за празникот на градот

Свечена седница по повод Денот на ослободувањето на Куманово,  11 –ти Ноември вчера се одржа во центарот за култура на која беа доделени Ноемвриските награди , признанијата, а евроамбасадорот Самуел Жбогар како почесен граѓанин на Куманово симболично го доби клучот од влезната врата на градот.

„Наша задача и приоритет како политичари и креатори на општествените текови мора да биде иднината на нашите деца. Европските вредности и стандардите за кои сонува секој млад човек да бидат применети во нашата средина“, рече претседателката на Советот, Атина Мургашанска на отворањето свечената седница.

– Да ги мотивираме младите семејства овде да ја планираат својата иднина, а своето знаeње да го инвестираат во растежот и развојот на нашата земја, изјави Атина Мургашанска, претседател на Совет на Општина Куманово

Градоначалникот Максим Димитриевски освен за историското минато на градот , зборуваше и за просперитетно европско Куманово, додека пак реализираните проекти во едногодишниот мандат на Димитриевски, присутните ги проследија  преку видео презентација.

-Немаме намера да застанеме. Заедно со нашите стопанственици, користејќи ги потенцијалите во градот ќе продолжиме да го развиваме малото и средно стопанство и да го сочуваме она што досега е сработено, изјави Максим Димитриевски, градоначалник на Куманово

Пред присутните се обратија и советниците Ненад Ѓорѓевиќ, Самет Салиевски и Хана Џељадини на својот мајчин јазик.

На свеченоста по повод 74 години од ослободувањето и 499 години од постоењето на Куманово присуствуваа членови на сојузот на борци, министри, амбасадори, поранешни и актуелни градоначалници, советници, претставници на АРМ, МВР, делегации од збратимените градови, јавни институции, претпријатија.

Share and Enjoy !

0Shares
0 0

Коментари

коментар(и)