Тече реконструкцијата на санитарните јазли во основното училиште „Битолски конгрес“ во кумановското село Лопате.
Општина Куманово одвои 754.846 денари за санација на тоалетите, а на јавниот оглас избрана е компанијата „БФ-АДИС“ од село Отља, липковско.
Последен пат тоалетите се санирани пред дваесетина години помеѓу 2001 и 2002 година-изјави директорот на училиштето, Шенд Мухтари.
Во ова училиште во село Лопате, настава во две смени следат 228 ученици од прво до деветто одделение на македонски и албански наставен јазик.
Подготвен е и проект кој е во тендерска постапка за промена на покривот, а се подготвува и за изградба на спортско игралиште.
