Со ,,Детски семафор,, до подобра сообраќајната култура

Се одржа работна средба  на која се дискутираше за организација на традиционалната манифестација,,Детски семафор,,.  Општинскиот совет за безбедност на сообраќајот на патиштата на Општина Куманово и отсекот за превенција при СВР Куманово ги повикаа претставниците на основните училишта на подрачјето на општина Куманово, Липково и Старо Нагоричане да бидат учесници на средбата. На состанокот  беа дадени упатства за начинот на учество на училиштата на општинските и регионалните натпревари. По одржувањето на општинските натпревари ќе се изберат три екипи кои ќе се натпреваруваат на регионално ниво.

– Општинскиот натпревар ќе се одржи на 16-ти април, а регионалните ќе бидат завршени до 1-ви мај. Врз основа на општинските натпревари ќе се одбере една екипа од основни и од средни училишта кои на 31-ви мај ќе учествуваат на државниот натпревар ,,Детски семафор,,- вели Виолета Богдановска, раководител на отсек за превенцијаво при СВР Куманово.

Основната цел на оваа активност е подобрување на општата безбедносна состојба и градење на сообраќајна култура. Детскиот семафор има влијание на најмалите за совесно и безбедно учество во сообраќајот,а преку нив и на повозрасните учесници во сообраќајот.

-Повикани се претставниците на сите основни училишта за да се договориме за одржување на ,,Детскиот семафор,,. Како и секоја година општинскиот совет за безбедност во соработка со СВР Куманово ја организира оваа манифестација со цел подобрување на сообраќајно-техничка култура на младите- објасни Африм Емини, претседател на општинскиот совет за безбедност на Општина Куманово.

Манифестација ,,Детски семафор,, се организира повеќе од педесет години на ниво на земјава, а право на учество во натпреварите имаат децата од 10 до 15 години.

Share and Enjoy !

0Shares
0 0

Коментари

коментар(и)