Техничките струки се дефицитарни во Куманово

Во Агенцијата за вработување во Куманово  се појавува недостаток на кадри од техничката струка. До кумановскиот Центар за вработување има пристигнато 10 барања за прием на градежни инженери, 7 барања за прием на шумарски инженери, 3 барања за ИТ вештини и 5 барања за електо инженери. Од друга страна пак, во агенцијата се јавува суфицит на кадри од општествените науки, меѓу кои најбројни се правниците и економистите. Фирмите кои бараат работници се претежно од градежната, шумарската  и металопреработувачката индустрија. Проблемот со дефицит на одредени кадри, Центарот за вработување во Куманово го решава со барање на работници од  центрите во Пробиштип, Кратово, Штип, Крива Паланка и Скопје.

-Куманово е град на градежни работници и имаме голема бројка на  работници кои доаѓаат секојдневно во центарот. Со проектите на Владата за патот кон Ранковци и патот Штип-Скопје се очекува експанзија во втората полковина на 2015 година и се надеваме на ангажирање на поголама бројка на кадри,  вели Милорад Тренчевски, директор на Центарот за вработување.

Во тек е преквалификација за сметководители на 12  матуранти од Гимназијата „Гоце Делчев“ и техничкото училиште „Наце Буѓони“ во соработка со приватниот факултет „Еуроколеџ“. Минатат година во техничкото училиште беа преквалификувани 30 кандидати за аргон заварувачи, монтери на градежни објекти и електо монтери на индустриски објекти.  Во економското училиште пак,  беше извршена преквалификација на 10 лица за составувачи на обувки.

-Во текот на 2015 година ќе бидат опфатени околу 50 за преквалификација на  дефицитарни кадри. Техничкото училиште ќе биде ангажирано со преквалификација на фризери, педикири и маникири со оглед дека се опремени со кабинет од донација на германската амбасада, вели Тренчевски.

Од агенцијата  за вработување апелираат учениците пред да го продолжат средното и факултетското образование добро да го истражат пазарот на трудот. Тие препорачуваат образованието да се насочи кон промоција на занаетчиството, машинските и техничките струки.

Share and Enjoy !

0Shares
0 0

Коментари

коментар(и)