„Толи Зордумис“ – домаќин на меѓународен проект

Наставници од осум европски држави деновиве престојуваат во основното училиште „Толи Зордумис“, во рамки на проектот „Нашата приказна, вистинска приказна“.

Имено меѓународниот проект кој се реализираше изминативе три години, а завршува во септември, се спроведе со поддршка на Европската комисија и Македонската национална агенција.

Целта на проектот е размена на искуства, методи и техники за работа со децата со посебни потреби, а воедно и презентација и промовирање на инклузивни паралелки, односно како лицата со посебни потреби да ги изразат своите способности во инклузивна паралелка.

-Изминативе три години проектот се реализираше во девет училишта од девет држави, ова година е последна, како финален продукт е театарска претстава која ќе биде изведена во сите држави, а во нашата ќе биде претставена од наши ученици и ќе биде снимена и презентирана на финалната средба во Латвија- нагласи Наталија Спасовска, проектен координатор

Во меѓународниот проект , чиј главен координатор е Полска, учествуваат и тимови од Литвија, Германија, Чешка, Турција, Италија, Романија, Португалија и  Македонија.

Наставниците од овие европски држави нагласија дека се задоволни од искуството од овој проект, но и од убавините на Македонија.



Коментари

коментар(и)