На градскиот плоштад во Куманово утре со почеток во 11 часот ќе се одржи традиционалниот маскенбал „Батко Ѓорѓија“.
Учество ќе земат деца од градинките, основните и средни училишта во градот, како и сите кои самостојно или групно претходно се пријавиле за учество.
Организатор на манифестацијата е Фондацијата за култура и спорт, а со финансиска поддршка на Градоначалникот и Советот на Општина Куманово.
Организаториите информираат дека на маскенбалот се пријавени скоро 30 (групни и индивидуални) маски кои ги сочинуваат вкупно 800 учесници.
Во 10 часот ќе започне неофицијалниот дел од програмата – дефилирањето низ улиците во градот.
Годинава, за прв пат, маскенбалот ќе има ревијален карактер, а, сите учесници ќе добијат благодарница за учество.
