Цветковски ќе поднесе кривична против СДСМ

Секретарот на ГРОМ, Виктор Цветковски ќе поднесе кривична пријава против СДСМ поради објавениот телефонски разговор со министерката за внатрешни работи, Гордана Јанкуловска. Тој наведе дека со пријавата му е нарушена приватноста и дека истата ќе биде поднесена за неовластено прислушкување и тонско снимање.

-Сакам јасно да ставам до знаење дека апсолутно јас верувам во својата чесност и нема да дозволам на никого да се поигрува со моето достоинство, чест и углед. Од друга страна како адвокат верувам дека Република Македонија е правна држава и верувам во институтициите-наведе тој.

Цветковски признава дека разговарал со министерката Јанкуловска пред вториот круг локални избори во Куманово во 2013-та година, кога тој беше кандидат на независната граѓанска опција „Кога ако не сега“. Но поради тоа што не обезбедиле учество во вториот круг, биле принудени да коалицираат со некоја од партиите.

-Условите што ги поставивме ние во тие преговори и со СДСМ и ВМРО ДПМНЕ беа прифатени од ВМРО ДПМНЕ и со тоа влеговме во можна соработка за вториот круг и евентуална соработка по конституирање на локалната власт-додаде генералниот секретар на ГРОМ.

Тој тврди дека разговорите за коалицирање со СДСМ започнале на барање на градоначалникот Зоран Дамјановски и затоа го повика  раководството да не селектира и да ги објави и тие разговори.

 

Share and Enjoy !

0Shares
0 0

Коментари

коментар(и)