Црвен крст подели помош на поплавените

Волонтерите од тимот за одговор при катастрофи од општинската организација на Црвен крст Куманово, поделија хуманитарна помош на семејства чии куќи беа зафатени од надојдените води на Крива Река и Пчиња.

Како што соопштија од Црвениот крст, нивните екипи поделиле прехрамбено-хигиентски пакети на 10-тина семејства во реонот на селата Клечовце, Јачинце и Довезенце, помош била поделена на 7 семејства и во реонот на Пелинце, а и на 4 семејства од село Макреш, чии куќи по надојдените води од Крива Река биле отсечени од селото.

„Но, засега ситуацијата е стабилна а каде што има потреба екипите ќе интервенираат дополнително“, рече Бојан Петрушевски, секретар во Општинската организација Црвен крст Куманово.

Share and Enjoy !

0Shares
0 0

Коментари

коментар(и)