Општина Куманово ги известува граѓаните дека во четврток и петок, во период од 05 до 08 часот, ќе се изврши дезинсекција против крлежи на зелените градски површини.
Во четврток ќе се третираат зелените површини на локациите Соколански парк, пред НУ Центар за култура „Трајко Прокопиев” на плоштадот, градски плоштад пред „Нама”, Суд, Општа болница и Спомен Костурница.
Во петок ќе се третираат зелените површини на кеј и градскиот парк.
При извршување на овие третмани ќе се користи препаратот Cimina Plus.
Неопходно е пчеларите да преземат соодветни мерки за заштита на пчелите. Доколку временските услови не го дозволат вршењето на третманот, дезинсекцијата ќе се изврши првиот нареден ден кога временските услови ќе бидат поволни, информираат од општината.
