-Максим Димитриевски, кандидат за градоначалник на Куманово додека ја извршува функцијата градоначалник се стекнал со илјадници квадратни метри државно земјиште. Општина Куманово извршила продажба на над 26 хектари атрактивно државно неизградено земјиште на локацијата Живкова карпа. Документи од Катастарот за недвижнини покажуваат дека Максим Димитриевски купил 9 961 метар квадратен во местото Црвенки, државно неизградено земјиште. Продажбата на ова земјиште по цена од едно евро по метар квадратен ја извршила општина Куманово што значи градоначалникот Димитриевски продава, градоначалникот Димитриевски купува државно земјиште. Покрај Димитриевски, парцела од иста квадратура на оваа локација, купил и Бојан Јордановски, син на вработена во општината и на директорот на основното училиште „Толи Зордумис“. Но, тука сомневањата за злоупотреби не завршуваат. Деталниот урбанистички план за оваа локација предвидува урбанизација и нова викенд населба. Па така, земјиштето купено по едно евро за квадратен метар по урбанизацијата и по делењето на помали парцели за некое време може да вреди и 50 евра за метар квадратни односно за вложени 10.000 евра да се заработат и 500.000 евра.
Премногу детали укажуваат дека купувањето на државно земјиште од страна на Димитриевски не е случајно.
Затоа ги повикуваме надлежните институции да покренат соодветна постапка и да го истражат овој случај.
Почитувани, секојдневно јавноста го гледа вистинското лице на Максим Димитриевски кој лажно се претставува како социјдемократ, рече на денешната прес-конференција Лидија Тасевска, кандидат за советник од коалицијата предводена од СДСМ.
