Со одлука на Советот, општина Куманово даде на трајно користење движни ствари на три јавни претпријатија. Советниците вчера дадоа зелено светло со 10.000 куќни ултразвучни водомери добиени од министерството за транспорт и врски да располага давателот на услугата, јавното претпријатие „Водовод“, со празничните украси да стопанисува јавното претпријатие „Куманово-паркинг“, а одреден број на клупи и корпи за отпадоци набавени претходно од општината да бидат предадени на „Чистота и зеленило“.
За предлог – одлуките за давање на трајно користење на движни ствари – сопственост на општина Куманово на јавните претпријатија „Водовод“, „Куманово -паркинг“ и „Чистота и зеленило“ гласаа вкупно 20 советници.