ВИДЕО: УМС на ВМРО-ДПМНЕ бара да се отстрани библордот со Заев

Унијата на млади сили на ВМРО-ДПМНЕ од Куманово бара од централното подрачје да се отстрани билбордот со ликот на поранешниот премиер, Зоран Заев, поради како што велат извршеното предавство и лошата политика.

-Денеска сме пред билбордот, чиј лик кај нас младите Кумановци предизвикува се она што како чувство еден млад човек не сака да го доживее. Секој поглед кон оваа личност во центарот на градот, буди огорченост, одбивност, апатија, а предизвикува чувство на немир и безнадежност. Младите не сакаат да го гледаат најголемото зло во Македонската историја, најголемиот предавник во историјата на Македонија и Македонскиот народ, а особено на младите од нашата држава и посебно Куманово.

Поради предавничките политики на Зоран Заев, младината масовно си заминува затоа што образованието е руинирано, здравството уништено, невработеноста висока како никогаш до сега, корупцијата пуштена на најјако. И додека секојдневно младите без надеж, без верба за подобро утре зминуваат масовно, Зоран Заев по 24 часа на ден им се смее в лице на Кумановци.

Се повеќе наши сограѓани немаат средства да врзат крај со крај, а само возниот парк на овој човек на се мери во милиони. А тој ни се смее… Фамилии од Куманово спасот го бараат по градските канти, а фамилијата на Заев не знае колку фабрики за производство на марихуана има и дома јадат со златни прибори за јадење.

А тој продолжува да ни се смее… Политиките кои ги спроведоа со неговата дружина, почнувајќи од земјоделието, дипломатијата и судството, ја доведоа Македонија до економска катаклизма, а тој пак стои тука гордо насмеан на своите реформи.

Младите поради лошите политики беа принудени да одат во странство на печалба и го гледаа најефтиниот билет, додека ќерката на Заев разгледува авио-билети до егзотични дестинации.

Додека македонците не знаат како ќе го поминат месецот, кланот Заеви организираат мега забави. Додека просечниот македонски средношколец оди на училиште и денот го поминува со помалку од 100 денари, синот на Заев регистрира фирма за електрична енергија која чини илјадници евра. Додека Македонија живее во енергетска неизвесност и закана од тотален мрак, Вице Заев изнудува рекет од фирма која врши ископ на јаглен. Фамилијата Заеви неколкукратно го зголеми своето богатство на грбот на осиромашениот Македонец.

И кога си замина најнеспособниот премиер од престолот, за свој наследник назначи трајно неспособна личност. Не сме сигурни дали може фрленото сидро да не одвлече уште подлабоко или го допревме самото дно.

Ние како УМС на ОК на ВМРО-ДПМНЕ во КУМАНОВО ги повикуваме надлежните институции да го отстранат овој срамен билборд а до младите Кумановци упатуваме апел да не се откажуваат и да ни се приклучат во борбата што претстои, па заеднички да ги тргнеме прангите на оваа ненародна и предавничка власт. Да престанат да не гледаат од високо и да ни се смеат в лице, како ликот од билбордот зад нас-истакна претседателот на УМС на ВМРО-ДПМНЕ Куманово, Иван Димитриевски.

 

 

Коментари

коментар(и)