Градоначалникот на Куманово, Максим Димитриевски денеска остварил средба со амбасадорката на Република Литванија, Јурате Рагуцкиене, резидент во Република Хрватска, која беше во прва официјална посета на Општина Куманово.
-Имав можност да ја претставам општината и да го истакнам интересот за соработка со некоја од општините во Литванија-напиша на „Фејсбук“ Димитриевски.
Во рамките на програмата на делегацијата од Литванија, задолжена за интерпарламентарна соработка со земјите на западен Балкан, на средбата присуствуваа и: Аудрониус Ажубалис (шеф на делегација), Валдас Ракутис (потпретседател на групата), Кестутис Вилкаускас (член на групата), Јолита Сириуте (секретар на групата) и Лидија Каракамчева (секретар на групата за соработка со Литванија и др.балтички земји, претставник од Собрание).
