По одлука на Владата, како превентивна мерка со цел спречување на ширењето на коронавирусот од денеска е затворена кумановската библиотека „Тане Георгиевски“.
Библиотеката првично вчера ги откажа сите настани, промоции на книги, средби со писатели до 24-ти март, го скрати работното време и ја затвори читалната за посетители.
Но, Владата подоцна одлучи на ниво на државата да прекине работата на библиотеките, студентските и учениците домови, во наредните 14 дена, а вработените во овие институции да бидат ослободени од работа во овој период.
