Детско игралиште и ограден плоштад ќе добие селото Младо Нагоричане, а во меѓувреме се поставува бекатонска патека до центарот на селото. Инвестицијата ја обезбеди Општина Старо Нагоричане од Бирото за регионален развој преки Северо-источниот плански регион информира градоначалничката Жаклина Јовановска, посочувајќи дека патеката е во должина од 700 метри.
-Исто така во близина е и Културно- информативниот центар кој што Општина Старо Нагоричане минатата година го заврши , а патеката ќе продолжи се до плоштадот во Младо Нагоричане. Во овој проект е опфатено и детско игралиште, во план е и ограда на самиот плоштад , ќе се засадат зимзелени дрвца, изјави Жаклина Јовановска, градоначалник на Општина Старо Нагоричане
Патеката од бекатон ја поврзува градинката со основното училиште во маалото Ѓорѓовци и продолжува до плоштадот во Младо Нагоричане.