По повод престојните празници кога поголем број од граѓаните се надвор од своите домови, апелираме да ги превземат сите неопходни мерки на соодветна заштита на пари и вредни предмети при нивно отсуство од домот, вели Ивана Младеновска, портпарол на СВР Куманово.
-Да не се оставаат информации на социјалните мрежи пред одење дека сте надвор од дома во моментот, каде сте и што правите. При излегување да се проверат сите врати, особено во ниските делови и да не се оставаат прозорците и вратите од терасите отворени. Исто така, да не оставаат вредни предмети на видно место во возилата и да се внимава на парите и платежните картички при работа со нив, како и носење голема количина на пари на јавни места како и заштита на џебови и чанти. Доколку забележат нешто сомнително граѓаните може да повикаат полиција на телефонскиот број 192 или 112 со цел навремено да се интервенира.
Исто така, упатуваме апел и до учесниците во патниот сообраќај да се однесуваат согласно законските правила и прописи. Да не управуваат возила под дејство на алкохол, да ја приспособат брзината на условите и состојбата на патот, како и да управуваат со соодветна важечка дозвола, истакна Младеновска.