Здружението Кумановски акцијаши ја спроведува хуманитарната акција за прибирање облека и обувки, под назив Биди хуман и подари. Акцијата е наменета за бездомници и социјално загрозени семејства. Иако првично било предвидено да трае до 29-ти февруари, поради големиот интерес, организаторите одлучиле да ја продолжат. Секретарот на Здружението, Звонко Величковски истакна дека луѓето најчесто донираат облека, играчки и мебел.
Претседателот на здружението, Јусуф Љатифи нагласи дека од недамна започнал со работа волонтерскиот сервис, кој има за цел да ги поттикне младите да учествуваат во различни акции и на тој начин да ги увидат своите квалитети и можности во различни области.
-Моментално вршиме електронски прием, нашиот програмер е на консултации во Лондон на кој начин треба да ја направиме нашата веб страница на која ќе бидат поставени сите документи кои се потребни-изјави тој.
Инаку сите хумани луѓе кои сакаат да донираат тоа можат да го сторат во просториите на здружението, месната заедница во Бедиње секој ден од 18 до 21 часот.