Во библиотеката „Тане Георгиевски“ денеска во 13 часот ќе се одржи промоција на албумот „City of Diluted Lights” на Sinking Photon, под етикета на издавачката куќа Магна Матер / Wire Entertainment.
Sinking Photonе проект на Никола Наумовски (музичар, композитор и поет). „City of Diluted Lights” e негово прво музичко издание, кое дигитално може да се чуе и купи на bandcamp профилот на издавачот. Микс на албумот е направен од Alex Plant, додека aртворкот е дело на Фросина Милковска. Музиката е експериментална и атмосферична, и претставува симбиоза од повеќе музички жанрови како џез, електроника, амбиентална музика, индастријал, нео класика.
