По повод големиот христијански празник Велигден, како и за отворањето на реконструираното подрачно училиште „Карпош“ во село Љубодраг, учениците од истоименото училиште, заедно со нивните наставници подготвија свечена приредба.
Тие се претставија со повеќе ритмички точки, рецитации и драматизации поврзани со претстојниот празник.
Приредбата беше збогатена и со изведба на училишниот хор и оркестар.
Од училиштето информираат дека се одржала и велигденска изложба на рачни изработки од учениците.