Уметничка вечер „Вдиши уметност”

Во Занаетчискиот дом синоќа се одржа уметничка вечер „Вдиши уметност”, организирана од здружението на граѓани „Биди своја”, со поддршка на општина Куманово. Присутните проследија музички концерт на кумановски млади музичари со интерпретација на македонски евергрини, како и презентација за ликовни уметници и нивните дела, кои заедно со книжевните дела, беа изложени. Целта на настанот, кој претставува спој на три уметности во едно, е да се даде поддршка на кумановските млади уметници, кои успешно творат во области на ликовна, книжевна и музичка уметност. Претседателката на Советот на општина Куманово Ивана Ѓорѓиевска ја поздрави иницијативата и ги охрабри нашите уметници да продолжат да работат и да создаваат, збогатувајќи ја културната традиција со нови дела, кои ќе дадат свој белег во духот на културното творештво.

Коментари

коментар(и)