Амбасадорот на Република Чешка, Мирослав Томан денеска ја посети општина Куманово, при што се сретна со градоначалникот Максим Димитриевски. На средбата тие разговараа на повеќе теми, но клучно е тоа што амбасадорот соопштил дека ќе издвојат средства за изградба на тоалети во училиштето Вера Которка во село Клечовце. Градоначалникот нагласи дека соработката со оваа амбасада е на највисоко ниво.
-Ќе ја искористиме и оваа посета заеднички да ја посетиме поранешната спортска сала Соколана бидејќи добив информација од самиот амбасадор дека движењето Соколи токму води потекло од неговата држава и се заинтересирани да го видат овој објект. Се надевам дека во иднина со заеднички сили ќе најдеме одредени решенија за реализација на дополнителни проекти инаку ја добивме целосната нивна во моментот и моралната поддршка во делот на нашите заложби овој објект да го ставиме во функција на граѓаните и да им го вратиме конечно на граѓаните на Куманово-посочи Димитриевски.
Амбасадорот на Чешка истакна дека се надева на успешна соработка.
-Ова е мојата прва посета во Куманово, јас сум овде само 4 месеци во Македонија, ја одбравме општина Куманово како најголема општина во Македонија за наша прва официјална посета и моја прва посета како дипломат не само заради тоа што е најголема општина туку и затоа што досега имаме остварено голема сорабтока со општината и се надевам дека оваа сорабтока ќе продолжи и понатаму-нагласи Томан.
Ова е прва посета на локална самоуправа на новиот амбасадор на Република Чешка во Македонија.
