Се возобновуваат Поткозјачките литературни средби. После две децении во организација на Јустиција, центарот за културолошки студии , а под покровителство на општина Куманово и поддршка на центарот за култура се обновува манифестацијата на која што во минатото се собирал целиот литературен врв на балканската , но и европска книжевност, информира организаторот од Јустиција , Оливера Доцевска.
-Она што е многу важно е да додадеме дека ова се случува во предвечерието на пет века од постоење на Куманово и тука во Куманово во петок на 26 октомври од 19 часот во Занатскиот дом ќе бидат соберени реномирани поетски и книжевни имиња на Македонија, Биљана Станковска, Стојан Тарапуза, Трајче Кацаров, Елена Пренџова. Ќе учествуваат танцовите клубови Фјужн и Мак, а вечерта ќе започне со хорот на здружението на пензионери, вечерва ќе финишира со настап на Мартија Станојковиќ, изјави Оливера Доцевска, Јустиција
– За повозрасните генерации е познато дека подкозјачките средби Општина Куманово ги организираше на тематика НОБ односно родољубивите песни и тогаш тоа имаше многу големо значење во литературниот опус, изјави Цоки Ристовски , раководител на Сектор за култура во Општина Куманово
Со оваа манифестација всушност започнуваат активностите во рамките на ноемвриските денови во пресрет на Денот на ослободувањето на Куманово, 11 Ноември.