83-годишен кумановец од Табановце тешко е повреден по пад од мопед. Како што соопшти МВР, вчера околу 10.05 часот во СВР Куманово било пријавено дека на локалниот пат Куманово – с.Табановце, Љ.С.(83) од Куманово, управувајќи мопед „томос”, изгубил контрола и излетал од коловозот.
Во незгодата старецот се здобил со тешки телесни повреди, констатирани во Општа болница Куманово.
Увид на местото извршила екипа од СВР Куманово, информира министерството за внатрешни работи.
