Вести

Во рамки на одбележувањето на Светскиот ден на волонтерите, општинската организација на Црвен крст Куманово организираше настан под мотото „Солидарност преку волонтирање” на кој присуствуваа волонтери и членови од организацијата. Благодарност до сите волонтери изразија претседателот и секретарот на ООЦК Куманово за нивниот несебичен придонес и поддршка во реализирање на многубројни активности и продонес во заедницата и притоа им беа доделени благодарници на најистакнатите волонтери.

Полициски службеници од СВР Куманово во село Никуштак го лишиле од слобода Н.Б.(46 години) од село Арачиново, скопско, затоа што со товарно моторно возило се обидел да удри полициски службеници кои вршеле службени дејствија. Н.Б. бил приведен во полициска станица и по целосно документирање на случајот против него ќе следува соодветна пријава, информира полицијата.

Полициски службеници од СВР Куманово го лишиле од слобода У.Ф. (42 години) од Куманово. На улицата „Србо Томовиќ“ бил затекнат при обид да одземе предмети од патничко моторно возило. Тој бил приведен во полициска станица и по целосно документирање на случајот против него ќе следува соодветна пријава, пренесува полицијата.

Полициски службеници од СВР Куманово ја лишиле од слобода Б.М. (46 години) од Куманово. Таа била барана по потерница за издржување затворска казна. Лицето било спроведено во Казнено-поправна установа Затвор Идризово за издржување на казната.

Четириесетгодишен кумановец во кумановската полиција пријавил дека на улицата „Гоце Делчев“ бил каснат од куче скитник, пренесува СВР Куманово.
 

Неколку локации во Куманово утре ќе бидат привремено без електрична енергија поради интервенции во мрежата. Како што информираат од Регионалниот центар за управување со кризи, во период од 07 до 14:30 часот без напојување ќе останат корисниците од улиците „Панчевска“, „Трета МУБ“ .
Од 08 до 10:30 часот без електрична енергија ќе бидат корисниците од населбата Карпош.
Во период од 09 до 12 часот прекини се најавени за корисниците од селото Долно Којнаре и училиштето „Киро Бурназ.

Благодарници за придонесот за Меѓународниот фолклорен фестивал, добија неколку поединци и приватни фирми, од организаторот Културно уметничко друштво „Панче Пешев“ и Младинскиот културен центар Козјак од Куманово.
Традиционално како и претходните години и овој пат по завршувањето на 3-от фестивал, организаторите на средба изразија благодарност за помагателите на манифестацијата.
Претседателот Мирослав Крстевски истакна дека е задоволен од самиот фестивал, настапите на учесниците од земјава, соседството и пошироко.

Предновогодишно шоу со Дарко Ѓурчиновски за најмладите, детски новогодишни претстави, изложба на академскиот сликар, конзерватор и реставратор Валентина Илијевска се дел од активностите што ќе се реализираат во центарот за култура до крајот на годинава.
„Годишната програма на НУ Центар за култура „Трајко Прокопиев“ во целост е реализирана, а беа организирани и повеќе настани кои не беа дел од програмата“, информира директорот Сашо Тодоровски, оценувајќи ја 2022-та како успешна година.
-Овие петнаесетина дена пред да заврши годинава…

Дизелот и бензините од полноќ ќе се продаваат по уште пониски цени, објави Регулаторната комсиија за енергетика.
Цената на дизелот се намалува за 1,5 денари, а поевтинувањето на Еуросупер 98 и Еуросупер 95 ќе биде за 1,5, односно за 1 денар. Со новите цени дизелот треба да биде 78 денари, а бензините 78 и 76,5 денари од утре.
Цената на дизелот и другите горива во малопродажба е намалена за речиси 30 отсто во последните неколку недели. Дизелот,…

Полициски службеници од регионалниот центар за гранични работи Север од слобода лишиле четири лица, од кои тројца македонски и еден албански државјанин. На граничен премин Табановце од слобода бил лишен А.Б.(41 година) од Гевгелија затоа што при контрола било констатирано дека серискиот број на возилото „фолксваген транспортер“ со бугарски национални ознаки, кое го управувал, бил фалсификуван, односно бројот во собраќајната возила не бил ист со бројот што е на возилото. За исто дело, од слобода…