Ротатор

Осумдесет и двегодишен кумановец вчера во кумановската полиција пријавил дека на улицата „Климент Охридски“ во Куманово бил каснат од куче скитник, информира полицијата.

По Скопје, убиство на родител ја вознемири и јавноста во Куманово. Жител на населбата „Иго Тричковиќ“ со остар предмет го уби својот 64 годишен татко.
Стручните лица анализираат дека двете убиства се навидум слични, но самиот тек е различен. За настанот во Куманово нагласуваат дека убиството наликува дека се случило поради конфликт, во силна афектирана состојба.
Но велат дека сепак психијатриските вештачења ќе утврдат во каква состојба се случиле убиствата.

Пратеникот од СДСМ, Мартин Костовски гостува во емисијата „СТАВ“ на ТВ Плус. Тој ќе зборува за актуелните теми со загадувањето на воздухот, енергетската криза, најавените покачувања на пензиите и минималната плата, но ќе се осврте и на реализираното во државата, Куманово.

И годинава традиционално на големиот христијански празник Водици – Богојавление ќе се осветува водата, а граѓаните доброволно ќе скокаат по крстот , за првпат само на едно место во Куманово , во црквата Свети Никола, по завршувањето на Светата литургија.  Празникот е поврзан со крштевањето на Исус Христос во водите на реката Јордан од свети Јован.

„Во 2023 година ќе продолжиме со инвестиции за подобрување на условите во училиштата, за поквалитетна настава и едукација на идните генерации“, најави градоначалникот Максим Димитриевски. Оваа година предвидниот буџет за инвестиции во образованието изнесува  26.690.000 денари.

Од година в година се помал број на деца од предучилишна возраст редовно ги примаат вакцините пропишани со календарот за имунизација. Родителите најмногу се плашат од вакцината МРП, посочуваат од Детскиот диспанзер при Здравствен дом Куманово, потенцирајќи дека имунизацијата е најдобриот начин да ги заштитиме нашите деца од болести.

Син убил татко попладнево во населбата Иго Тричковиќ , позната меѓу кумановци како Пуковско. Како што информираат од СВР Куманово, полициски службеници од СВР Куманово околу 16 часот го привеле 40- годишниот Б.Ј.  од Куманово поради сомнение дека околу 15 часот во Куманово со нож го нападнал својот 65 -годишен татко, кој им подлегнал на повредите.
Се преземаат мерки за расчистување на случајот, се вели во соопштението од СВР Куманово.
Ова се првичните информации за семејната трагедија…

Во СВР Куманово вчера 41-годишен кумановец пријавил дека неговото патничко моторно возило „фолксваген тигуан“ со кумановски регистарски ознаки, паркирано на улицата „Живко Чало“  во Куманово, било оштетено од заталкано зрно, соопштија надлежните од СВР Куманово.
Полицијата презема мерки за расчистување на случајот.

МВР соопшти дека вчеравечер по 22 часот, полициски службеници од СВР Куманово привеле две лица, кумановец и штипјанец, двајцата на 45-годишна возраст. Тие биле затекнати при обид да одземат материјали од објект во изградба на улицата „Доктор Рибар“ во Куманово. Истите биле приведени во полициска станица и против нив ќе следуваат соодветни пријави, информираат надлежните.