Дневник

Горан Димитријевиќ се враќа на тренерската позиција во Кошаркарскиот клуб Куманово и ќе го предводи клубот во борбата за излез од Втората лига сезонава.
Помошник тренер ќе му биде Тино Шаботиќ, кој воедно и ќе биде дел од играчкиот состав на клубот.
Како што информираше претседателот на клубот Виктор Божиновски, клубот ќе биде составен од играчи од Куманово и Скопје.
Натпреварите започнуваат во сабота, кога во првото коло КК Куманово му гостува на Мега Баскет во Скопје, додека…

21-годишна жена викендов пријавила дека во Куманово била физички нападната од нејзиниот триесет и четиригодишен сопруг, информираат од Министерството за внатрешни работи.
Оттаму додаваат дека по целосно документирање на случајот ќе следи соодветен поднесок.

Полициски службеници од СВР Куманово викендов лишиле од слобода 38 годишен жител на кумановско, поради тоа што физички ја нападнал 21-годишна кумановка и ѝ ја одзел чантата, информираат од Министерството за внатрешни работи.
По целосно документирање на случајот ќе следи соодветен поднесок, соопшти МВР.

Од денеска почнува исплатата на пензиите на филијалите на комерцијалните банки. Пензионерите ќе земаат повисоки пензии за 5,3 отсто согласно методологијата за раст на пензиите. Од ова зголемување најмногу ќе искористат корисниците на највисоки пензии што според пресметките би изнесувало околу 3.700 денари, а пензионерите со ниски примања на своите сметки ќе добијат само 700 денари плус.
Во Македонија живеат околу 330.000 пензионери, најголемиот дел од нив, над 97.000 се со пензии до 13.000 денари.

Во полициската станица во Куманово викендов бил извршен службен разговор со 47-годишен жител на кумановско, по пријава од страна на 49-годишна жена, според која, тој на 21 септември годинава во Куманово се обидел да изврши обљуба врз неа, информираат од Министерството за внатрешни работи. Оттаму додаваат дека по целосно расчистување на случајот ќе следува соодветен поднесок.

Пожарникарите во текот на изминатото деноноќие имале седум интервенции: опожарен контејнер на улицата „Трета МУБ“  кај Рамстор,  запален магацин за керамика Балканика во Доброшане, интервенција на запалена сува трева во Никуштак и Слупчане, опожарен контејнер во Проевце и кај Поток Серава.

Со ревија на народни носии од повеќето српски реони – од Банат до Скопска Црна Гора, културно -уметничкото друштво „Српски вез“ од Куманово викендов го одбележа своето десетгодишно успешно постоење. Фолклорната ревија која ја организира „Српски вез“ исто така е дел од проектот „Денови на српската култура во Куманово – работилница за изучување на српски јазик“ кој е поддржан од Владата на Република Србија, односно кабинетот на министерот без ресор задолжен за координација на активностите…

Во Куманово е отворен шестиот меѓународен саем на органски и традиционални производи „Органска трпеза“, како и 2-от саем за земјоделство, технологии, храна и преработки „Агро Мак“, кои ги организира здружението „Живот“ Куманово. На саемот кој ќе трае наредните три дена е предвидено да учествуваат над 300 излагачи од Македонија, соседните држави, но и Унгарија, Словачка, Црна Гора, Турција.
Саемите вклучуваат повеќе компоненти, освен штандови со изложбен дел на произведувачи, откупувачи и преработувачи на храна, земјоделски производи,…

Општа болница Куманово ги информира граѓаните дека на одделот офталмологија по скоро година и половина откако не беше во функција поради дефект, рефрактометарот со кој се вршеа основни дијагностички методи за одредување на рефрактивен статус, на располагање е нов модерн мултифункционален апарт. Од болницата најавуваат дополнително опремување во наредниот период.

Бензинот еуросупер БС-98 од полноќ поевтинува за два денара и ќе се продава по цена од 89 денари за литар.
Според одлуката на Регулаторната комисија за енергетика, цените на останатите горива денеска нема да се менуваат. Па така, литар еуросупер БС-95 од ноќеска ќе се продава по 87 денари, литар дизел ќе се продава за 85,5 денари, екстра лесното масло за 85 денари за литар, а килограм мазут ќе чини 48,715 денари.