Наплатата на приходи остварени од Царинската управа во првото тримесечје годинава се поголеми за 13,6 милиони евра во однос на истиот период минатата година. До ОЈО и ОЈО ГОКК само од ноември до сега се поднесени 102 кривични пријави, или за повеќе од цел тригодишен период од 2020 до 2023 година кога биле поднесени вкупно 85 кривични пријави. Во првото тримесечје се остварени 143 случаи на заплени или за 77 проценти повеќе во однос на минатата година. Притоа, мобилните царински тимови во овој период оствариле повеќе од 100 заплени што е еднакво на годишен просек на заплени споредбено од 2017 до 2023 година.
Ова беа само дел од резултатите на Царинската управа кои ги презентираше директорот на Царинска управа, Бобан Николовски вчера по повод одбележувањето на 14 Април, Ден на Царинската управа.