Секторот за внатрешни работи Куманово информира дека утрово во 04.30 часот, полициски службеници од Полициската станица за безбедност на патниот сообраќај лишиле од слобода 31-годишен кумановец.
Според СВР Куманово, при контрола на патниот сообраќај во Куманово, полициските службеници сопреле патничко моторно возило „опел“ и по преземени мерки било констатирано дека возачот е под дејство на алкохол, односно му биле измерени 1.57 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.