Министерот за здравство, Венко Филипче апелираше до граѓаните да не организираат семејни слави. Нагласи дека здравствениот систем сега е оптоварен со невакцинираните лица, но што повика граѓаните да се вакцинираат.
-Видовме дека рестрикциите за движење на населението немаа резултат. Од семејните слави, ифтари имавме многу мини бранови и ние како држава тоа не може да го контролираме. Затоа е свеста и совеста на граѓаните многу важна. Сега доаѓаат славите ги замолувам граѓаните да не ги организираат прославите, или да ги организираат во што помал број. Мора да бидеме претпазливи, истакна министерот за здравство.