Шест лица од земјава кривично ќе одговараат за приложување лажен ПЦР тест на граничниот премин „Табановце”, информираат од Министерството за внатрешни работи.
– СВР Куманово и Регионалниот центар за гранични работи Север поднесоа кривични пријави против двајца кумановци, тројца струмичани и граѓани на Скопје поради постоење основи на сомнение за сторени кривични дела „фалсификување исправа” и „непостапување според здраствените прописи за време на епидемијата”, соопштија од МВР.
Според МВР, пријавените, кои имале решенија за домашна изолација, при контрола од полициски службеници, на излез од државата на ГП Табановце покажале фалсификувани негативни ПЦР тестови.