По повод новогодишните и божиќните празници, Регионалната занаетчиска комора – Куманово, во соработка со Општина Куманово ги известува сите заинтересирани правни и физички лица за можноста за изнајмување продажен штанд на претходно утврдена и одобрена локација.
Локација: Градски плоштад „Нова Југославија“, центар на градот
Период на настанот: 15.12.2025 – 10.01.2026 година
Цел на настанот: промоција на бизниси и локални производи, развој на економијата и културата, промоција на занаетчиството, поттикнување на одржлив економски развој, создавање позитивно новогодишно расположение кај граѓаните.
Поставени ќе бидат 13 (тринаесет) дрвени штандови.
Критериуми за избор: тематска усогласеност со новогодишниот и божиќниот дух, квалитет, оригиналност и безбедност на производите.
Штандовите мора да се користат во согласност со времетраењето на настанот – секој ден во периодот од 15.12.2025 до 10.01.2026 година, во временски интервал од 10:00 до 22:00 часот (или во согласност со официјално утврдениот работен термин).
Штандовите се наменети исклучиво за промоција и продажба на локални производи и услуги, во духот на новогодишно-божиќната тематика.