Author: Снежа Петковска

Началникот на Отсекот за превенција при СВР Куманово, Виолета Богдановска вечерва гостува во емисијата СТАВ.
Богдановска ќе зборува за позначајните проекти и превентивни активности и дали тие се препознаени кај целните групи, дали граѓаните, но и институциите се отворени за соработка, а ќе упати и пораки до младите, родителите, возачите, угостителските објекти по повод претстојните празници. Отсекот за превенција годинава одбележува 13 години постоење и работа како посебна органзациска единица.
Емисијата почнува во 20.00 часот.

За децата без родители и родителска грижа, лицата со интелектуална попреченост  од „Порака наша“ и корисниците на дневниот центар за лица со посебни потреби, кој е во надлежност на министерството за труд и социјална политика, традиционално општина Куманово обезбеди новогодишни пакетчиња кои им ги врачи Дедо Мраз, а потоа имаа можност и да се фотографираат со најсаканиот дедо.
-Оваа година обезбедивме и поголем број пакетчиња за децата од социјално ранливите категории, еден дел ќе бидат поделени…

Полициски службеници од СВР Куманово вчера привеле 49 -годишен жител на селото Младо Нагоричане бидејќи претходно оштетил инвентар во угостителски објект на улицата „Доне Божинов“ во Куманово и агресивно се однесувал кон полициски службеници кои извршувале службени дејствија.  Тој бил приведен во полициска станица и по целосно документирање на случајот против него ќе биде поднесена соодветна пријава, соопштија од  СВР Куманово.

Поради дефекти на водоводната мрежа, денеска привремено без вода ќе бидат улиците: „Ангел Дуцо“ бр. 2, „Х.Т.Карпош“ бр. 83, „Тоде Мендол“ бр. 49, „В.С. Бато“ бр.3 и Сектор ресторант „АРКУС“.
Екипите на ЈП „Водовод“ се на терен и работат на отстранување на дефектите, информираат од Регионалниот центар за управување со кризи.
 

Министерството за здравство регистрира 320 нови случаи на ковид-19 во државата во изминатото деноноќие, од нив осум нови случаи во Куманово.
Во текот на изминатите 24 часа регистрирани се и 8 починати лица, меѓу кои нема кумановец. Согласно Регистарот на умрени лица со дијагноза ковид-19 од Мој Термин, пријавени се дополнителни 7 лица, починати во период од 14-19.12.2021 година, меѓу нив едно лице од Куманово.
Бројката на активни случаи во земјава изнесува 5.273, во Куманово 127.

Националниот ромски центар денеска на завршна прес-конференција ги презентираше активностите спроведени во текот на годинава, а поврзани со превентивното и позитивното дејствување за спречување и намалување на последиците од пандемијата на ковид.
Директорот на НРЦ, Ашмет Елезовски во рамките на проектот „ Да продолжиме да живееме“ од кампањата Вакцинирај се заради себе си и вашите најсакани, се осврна на резултатите од спроведените анализи и прашалници во социјално ранливи семејства со вкупно 631 граѓанин, повеќето од ромска…

Децата од Куманово денеска и утре имаа можност да се дружат и да разговараат со актерите Дубравка Киселички и Владо Дојчиновски, во центарот за култура „Трајко Прокопиев“. Дружбата е посветена на светот на театарот, бајките и приказните. Дали дечињата ги препознаа актерите од Македонски народни приказни?, ќе слушнете во продолжение од изјавата на Дојчиновски.