Советот на општина Куманово утре ќе одржи редовна седница на која на дневен ред ќе се најдат 16 точки. Советниците ќе расправаат и одлучуваат по предлог програмата за одржување на јавна чистота и одржување јавни сообраќајници, програми и извештаи од областа на спортот и културата. На седницата ќе се дискутира и за предлог – одлуката за субвенционирање на линиски превоз на патници за линии утврдени со Спогодба за утврдување на заедничко организирање на извршување на линиски превоз на патници помеѓу општина Куманово и општина Старо Нагоричане, како и за предлог – одлуката за субвенционирање на семејства кои имаат запишано ученик во прво одделение во учебната 2023/2024 година во општинските основни училишта. Советниците ќе расправаат и за предлог – измените и дополнувања на Буџетот на Општина Куманово за годинава.
Седницата директно може да се следи на програмата на ТВ Плус.
Почеток во 10 часот.
